第一次學人寫blog，係郭仔教我嘅！

呢幾個月屋企有啲事，係我從未諗過會發生嘅！一定要同大家分享下，希望幫到人，唔使大家咁徬徨。

事情係咁嘅：大約半年前，郭仔開始有啲唔妥，拖拖拉拉咗一陣之後，終於下定決心同佢一齊去見醫生。點知醫生話郭仔有思覺失調！我當時心諗：「咁即係點呀？有冇得醫？無端端點解會有咩思覺失調？唔通係我平日『鵝』得佢太多？…」心裡面有一百個問號。

多得呢幾個月嚟，康醫生同辛姑娘教識我同郭仔好多嘢，而家呢啲疑團都已經逐一解開哂，甚至乎我覺得郭仔好似長大咗好多… 所以有時有轉變呢啲嘢，都唔一定係壞事，睇你點樣解決啫。

我會喺度將呢一段咁特別嘅經歷，一五一十同大家慢慢分享，希望大家有時間就上嚟睇下啦！

今日寫住咁多先，趕住煮飯…